ജീവന്‍ തന്നെ നഷ്ടപ്പെടുത്തിയേക്കാവുന്ന അപകടത്തില്‍ നിന്നും രക്ഷപ്പെട്ടതിന്റെ ആശ്വാസത്തിലാണ് നടി സരയു മോഹന്‍. സൂര്യ ടിവിയില്‍ സംപ്രേക്ഷണം ചെയ്യുന്ന സ്റ്റാര്‍ വാര്‍ പരിപടിയുടെ ഷൂട്ടിംഗിനിടെയാണ് സംഭവം. സാഹസികത നിറഞ്ഞ പരിപാടിയാണ് സ്റ്റാര്‍ വാര്‍. ഷോയുടെ ഒരുഭാഗം ചെങ്കുത്തായ മലയില്‍ അതിസാഹസികമായി കയറുകയെന്നതാണ്. ഇതിന്റെ ഷൂട്ടിംഗിനിടെ സരയു വടത്തിലൂടെ മലയിലേക്ക് കയറുകയായിരുന്നു പെട്ടെന്നാണ് ഒരു പാറക്കല്ല് അടര്‍ന്നുവീണത്.
മലമുകളില്‍ നിന്നും അടര്‍ന്നുവീണ ഒരു ഭീമന്‍ പാറക്കഷ്ണം സരയുവിനുനേരെ പാഞ്ഞടുത്തു. ചെറിയ വ്യത്യാസത്തിലാണ് പാറക്കല്ല് സരയുവിന്റെ തലയില്‍ ഇടിക്കാതെ തെറിച്ചു പോയത്. സംഭവം കണ്ട് മറ്റ് സഹ മത്സരാര്‍ത്ഥികളും ഭയന്നു വിറച്ച് നിലവിളിച്ചു. അപ്രതീക്ഷിതമായി സംഭവിക്കാന്‍ പോയ ആ ദുരന്തഭീതിയില്‍ ഒരുനിമിഷം ഷൂട്ടിങ് സംഘം ഞെട്ടിത്തരിച്ചു നിന്നുപോയി.
സംഭവത്തിന്റെ പ്രമോ വീഡിയോ പുറത്തു വിട്ടു കഴിഞ്ഞു. ഈ വരുന്ന ഞായറാഴ്ചയാണ് സരയുവിന്റെ അപകട ദൃശ്യം അടക്കങ്ങുന്ന ‘സ്റ്റാര്‍ വാര്‍’ ന്റെ എപ്പിസോഡ് സൂര്യ ടീവിയില്‍ സംപ്രേഷണം ചെയ്യുന്നത്. പുറത്തുവിട്ട വീഡിയോ ഇപ്പോള്‍ വൈറലായിരിക്കുകയാണ്. സിനിമയില്‍ ഇപ്പോള്‍ കാര്യമായ അവസരങ്ങളില്ലാത്ത സരയു സീരിയലിലും റിയാലിറ്റി ഷോയിലും സജീവമാണ്.
